काठमाडौँ । काठमाडौँ महानगरपालिकाका मेयर बालेन्द्र साहले शनिबार राती फेसबुकमा अराजक स्ट्याटस लेख्दै सिंहदरबार जलाइदिने धम्की दिएका छन् । उनको यो स्ट्याटस महानगरपालिकाको सरकारी नम्बर प्लेटको गाडी ट्राफिक प्रहरीले केही बेर रोकेको घटनासँग सम्बन्धित रहेको खुलेको छ ।

प्रहरीका अनुसार शनिबार बेलुकी बालकुमारीबाट आएको गाडीलाई कोटेश्वरमा ट्राफिक प्रहरीले रोकेर कागजपत्र मागेका थिए । ड्राइभरले महानगरको गाडी भन्दै कागज देखाउन आनाकानी गरे । ट्राफिक प्रहरीले सरकारी नम्बरको गाडी शनिवार (विदाको दिन) चलाउन प्रशासनको पत्र चाहिने जानकारी दिए । त्यसपछि ड्राइभरले गाडी काठमाडौँ महानगरका मेयर बालेन्द्र साहको भएको बताए ।

करिब तीन मिनेट संवादपछि प्रहरीले विदाको दिन अनुमति लिएर चलाउनु भन्दै गाडी छोडेका थिए । गाडीको पछाडि सिटमा मेयर पत्नी सविना काफ्ले साह सवार थिइन् । गाडी यसरी रोकिएको केही बेरपछि नै बालेनको स्ट्याटस आएको हो ।
आफ्नी श्रीमतिले महनगरको सरकारी गाडी सार्वजनिक विदाको दिन दुरुपयोग गरेको झोकमा मेयर बालेन्द्र शाहले सिंहरबारमा आगो लगाइदिने धम्की मात्र दिएनन् कि सरकारलाई नै चोरकोको संज्ञा दिए । जब कि सार्वजनिक विदाको दिनमा सरकारी गाडी लुकी छिपी उनले नै दुरुपयोग गरेको थियो ।

बालेन साहको आक्रोस, सिंहदरबारमा आगो लगाइदिने धम्की