धनगढी २६ माघ । सुदुर पश्चिम प्रदेशका मुख्यमन्त्री राजेन्द्रसिंह रावल नेतृत्वको सुदूरपश्चिम प्रदेश सरकार १ महिनामै ढलेको छ ।

प्रदेश सभामा विश्वासको मत पाउन नसकेपछि नेकपा माओवादी केन्द्रको समर्थनमा रहेको नेकपा एमाले नेतृत्वको सरकार ढलेको हो ।

संसदमा ७ सांसद रहेको नागरिक उन्मुक्ति पार्टी संसदमा उपस्थित नै नभएपछि प्रदेश सरकार अल्मतमा परेको हो ।

मुख्यमन्त्री रावलले विश्वासको मत माग्दै राखेको प्रस्ताव बहुमतले अस्वीकृत गरेको छ ।

प्रदेश सभाका सभामुख भीम भण्डारीले प्रस्ताव सुनाएलगत्तै सत्तापक्षका सांसदले मत विभाजन गर्न माग गरेका थिए तर छलफल गर्ने प्रस्तावमा मत विभाजन गराउने नियमावलीमा व्यवस्था नभएको भन्दै मत विभाजन गराएनन् ।

प्रदेश सरकार ढलेसँगै प्रदेश सभाको बैठक पनि अनिश्चितकालका लागि स्थगित भएको छ । अब प्रदेश प्रमुखले प्रदेश सभाको वैभन्दा ठूलो दल नेपाली कांग्रेसका संसदीय दलका नेता लाई मुख्यमन्त्रीमा नियुक्त गर्नेछन् । त्यरी नियुक्त हुने मुख्यमन्त्रीले एक महिनाभित्र प्रदेश सभाबाट विश्वासको मत प्राप्त गर्नु पर्नेछ ।