काठमाडौं २६ पुस । प्रधानमन्त्री पुष्पकमल दाहाल ‘प्रचण्ड’ ले विश्वासको मतको बदलामा नेपाली कांग्रेसलाई केही दिने सहमति नभएको बताएका छन्।
प्रतिनिधि सभामा मंगलबार अभूतपूर्व ढंगले सिंगै ससंदसबाट विश्वासको मत पाएपछि बाहिरिने क्रममा प्रम प्रचण्डले भने – आज पाएको विश्वासको मतले जिम्मेवारी थपिएको छ ।
प्रधानमन्त्री प्रचण्डलाई २६८ जना सांसदले विश्वासको मत दिएका छन्। आजको बैठकमा २७० सांसद उपस्थित थिए।
नेपाली कांग्रेसले पनि विश्वासको मत दिएपछि अहिले विभिन्न कोणबाट टिप्पणी भइरहेका छन्।
कतै नेका र माओवादीका बीचमा कुनै लेनदेनको सहमति भएको त छैन भन्ने आशंका भइरहेका बेला प्रधानमन्त्री प्रचण्डले स्पष्ट गर्दै भने कांग्रेसले ऐतिहासिक आवश्यकतालाई मसहुु गर्यो । मलाई विश्वासको मत दियो । त्यसका लागि धन्यवाद छ । यसले मेरो जिम्मेवारी झन बढी थपिएको छ । तर कुनै पनि प्रकारका सत्ता साझेदारी वा अन्य कुनै प्रकारको सहमति भने भएको छैन ।