काठमाडौं २० पुस । प्रधानमन्त्री पुष्पकमल दाहाल प्रचण्डले विगंदो अर्थतन्त्रलाई कसरी सुधार गर्न सकिन्छ भनेर पहल अघि बढाएका छन् । आज प्रधानमन्त्री प्रचण्डले उपप्रधान तथा अर्थमन्त्री विष्णु पौडेल र नेपाल राष्ट्र बैङ्कका गर्भनर महाप्रसाद अधिकारीसँग देशको वर्तमान अर्थतन्त्रको अवस्था, बैंकिङ क्षेत्रमा देखिएका समस्या र तत्काल सुधार गर्नुपर्ने विषयका बारेमा छलफल गरेका छन् ।

प्रधानमन्त्री निवास बालुवाटारमा भएको छलफलमा प्रधानमन्त्री प्रचण्डले बैंकिङ क्षेत्रमा पछिल्लो समयमा देखिएका समस्या तथा चुनौतीहरूको विषयलाई कसरी समाधान गरेर अर्थतन्त्रलाई लयमा फर्काउन सकिन्छ भन्ने बारेमा सझुाव मागेका छन् ।

प्रधानमन्त्रीले ब्याजदर घटाउन तथा तरलताको समस्याबारे मौद्रिक नीतिमा सुधारका लगायतका आवश्यक काम तत्काल गर्न अर्थमन्त्री र गर्भनरलाई निर्देशन दिएका छन् ।

छलफलका प्रधानमन्त्रीले देशको अर्थतन्त्रमा देखिएको चुनौतीका कारण जनतामा परेको असरलाई न्यूनीकरण गर्नु पर्ने बताएका छन् । अर्थतन्त्रलाई लयमा फर्काउन के के सम्भव उपाय हुनसक्छन्, अनुत्पादक क्षेत्रमा ऋण प्रवाह रोक्ने र अर्थतन्त्रको मैजुदा अवस्थाबारे जनतालाई बताउनु पर्ने कार्ययोजना तत्काल बनाउन अर्थमन्त्री र गर्भनरलाई प्रधानमन्त्रीले निर्देशन दिएका छन् ।
प्रधानमन्त्री भएलगत्तै प्रचण्डले पहिलो प्रथामिकताका जनताको सेवालाई सहज बनाउने र अर्थतन्त्तलाई ुधार्ने प्रथामिकता बनाएका छन् ।