काठमाडौं, १ मंसिर । सालझण्डी–सन्धिखर्क ढोरपाटन सडकखण्ड विस्तार र पुननिर्माणका विषयमा सन्धिखर्क बजार, सालझण्डी बजार र पाणिनीबीचको विवाद आठ वर्षदेखि कायमै छ । सन्धिखर्क बजारबाट सडक विस्तार गर्दा घरघडेरी मासिने भन्दै स्थानीयले वर्षाैदेखि अवरोध गर्दै आएका छन् ।

रुपन्देहीको सैनामैना नगरपालिकाको सालझण्डीबाट बागलुङको ढोरपाटनसम्म ट्रयाक खोल्ने काम सकिएको छ । तर सन्धिखर्क खण्डमा विवाद कायम रहदा सडकले अझै पूर्णता पाएको छैन् । विवादका कारण सडक बिस्तार नहुदा आवतजावतमा कठिन भएको छ । कञ्चनखोलादेखी सालझण्डी बजारसम्म बाटो साँघुरो भएका कारण आवतजावतमा समस्या परेको सालझण्डीका स्थानीयले बताएका छन्
सालझण्डी बजार व्यापारीक क्षेत्र हो । दैनिक मानिसको भिड्भाड् बढ्दै गएको छ । सा“घुरो सड्क, मानिसको भिड्भाड् भएकाले सडक बिस्तार तथा सुधार गर्नुपर्नेस्थानिय बासिन्दा बताउँछन् ।

२०६५ सालमा निर्माण कार्य सुरु भएको सडकको ट्याक खोल्ने काममा करिव ९० प्रतिशत काम सम्पन्न भएको छ । सन्धिखर्कमा लामो समयसम्म विवाद कायम रहेको छ । ‘छिटो सहमति गरि ट्रयाक खोल्ने कामलाई पूर्णता दिनेगरी अगाडि बढ्नको सालझण्डी–सन्धिखर्क–ढोरपाटन सड्क आयोजनाले बताएको छ । सडकले धेरै संभावनाहरु बोकेकोले यसको महत्व बढी रहेको छ । सन्धिखर्क यो सडकको जम्मा लम्वाइ एक सय ८५ किलो मिटर छ । रुपन्देहीमा ५, पाल्पामा २० अर्घाखाँचीमा ७० गुल्मीमा ४० र वाग्लुङ्गमा ५० किलोमिटर क्षेत्र सडकले ओगटेको छ । बाग्लुङ्गको धार्मिक तथा पर्यटकीय क्षेत्र ढोरपाटनसम्म पु¥याइएको यो सडकले पर्यटन प्रवद्र्धनका लागि निर्माण गरिएको हो ।

यस आर्थिक वर्षमा फुदवाङ्गदेखी बलेबाङ्गसम्म १० किलोमिटर बाटो कालोपत्रे हुनेगरी काम अगाडि बढेको छ । लुम्बिनी ढोरपाटन सडकको ट्रयाक खुलेस“गै अर्घाखाँची, पाल्पा, रुपन्देही, गुल्मी बागलुङ जिल्लाका बासिन्दाहरुलाई प्रत्यक्ष लाभान्वित हुने छन । सड्क खुलेसँगै लुम्बिनी आएका पर्यटक पहाडी जिल्ला अन्र्तगत पाल्पा, अर्घाखाँची, गुल्मी, बागलुङको अवलोकन र भमण गराउँन सकेमा यहा“का बासिन्दाको आयआर्जनमा टेवा पुग्ने देखिन्छ । यसर्थ विकास विरोधी होइन, विकासमैत्री बनेर आयोजना पुरा गर्न स्थानीयले साथ दिनैपर्छ ।