काठमाडौं, १ मंसिर । उपत्यकाको केन्द्रविन्दुमा रहेको टुँडिखेलको सास्कृतीक र ऐतिहासिक महत्व रहेको छ । भुकम्पपछि टुँडिखेलका जमिन विभिन्न प्रयोजनका लागि अतिक्रमण हुदै आएको छ । टुँडिखेललाई अतिक्रमण हुनबाट बचाउन प्रत्येक शनिबार अकुपाई टुँडिखेल अभियानका अभियन्ताहरु टुँडिखेल घेर्न पुग्ने गर्छन् ।

अकुपाई टुँडिखेल अभियानको दोश्रो कार्यक्रम अन्र्तगत शनिबार टुँडिखेलमा खरीको विरुवा रोपिएको हो । यसअघि अघिल्लो सनिबार भने टुँडिखेलका चारै तर्फबाट मानवसाङ्लो बनाएर अभियान सुरु गरिएको थियो । अभियानमा राजनीतिक दलका नेता कार्यकर्ता, कलाकार, स्थानीयबासी, नागरिक समाजका अभियन्ता तथा युवाहरुको सहभागिता रहेको थियो । टुँडिखेल अतिक्रमण हुनबाट जोगाउन र रुखविरुवाको संरक्षण गर्नुपर्ने सन्देश दिदै टुँडिखेलमा खरीको बिरुवा रोपिएको अभियन्ताहरुको भनाइ छ ।

३ महिनाको समय लिएर सुरु गरिएको अकुपाई टुँडिखेल अभियान अन्र्तगत अब भने जनप्रतिनिधिहरुलाई नै ल्याएर टुँडिखेलमा खरीको बोटमा सपथ खुवाईने अभियन्ताहरु बताउँछन् । राजधानीको सबैभन्दा ठुलो खुल्ला स्थानको रुपमा रहेको टुडिखेलमा बर्षौंदेखि अतिक्रमण हुदै आएको छ । ढिलै भएपनि यसलाई पुर्वअवस्थामा ल्याउने अभियान सुरु गरिएको छ । अभियान्ताहरु यसका लागि परेका छन् । यसमा स्थानियको मात्र सहभागिताले पुग्दैन । समयमै सरकारी निकायले यो विषयलाइ गम्भिरतापुर्वक लिनु जरुरी छ ।