काठमाडौं, २९ कात्तिक । काठमाडौंको खुल्लामञ्चस्थित दुईमाजु गुठीमा टहरा बनाएर राखिएको पसलहरुमा तालाबन्दी गरिएको छ ।

काठमाडौं महानगरपालिकाको उपप्रमुख हरिप्रभा खड्कीको नेतृत्वमा खुल्लामञ्चस्थित टहराका पसलहरुमा तालाबन्दी गरिएको छ । धार्मिक एवम् सा“स्कृतिक रुपमा महत्वपूर्ण रहेको नेवार समुदायको दुईमाजु गुठी परिसरमा पसल स्थापनाका लागि गुठी संस्थानका अमृता भट्टराईले स्वीकृती दिएका थिए ।

काठमाडौं महानगरपालिका र गुठी संस्थानको स्वीकृति पाएपछि पसल स्थापना गरेका व्यापारीहरु अहिल पुनः गुठी संस्थानले नै पसल हटाउन निर्देशन दिएपछि आक्रोशित बनेका छन् । सर्वसाधारण र सम्पदा अभियान्ताहरुको दबाब पश्चात् गुठी संस्थानले पसल हटाउने निर्देशन दिन बाध्य भएको हो ।

दुईमाजु परिसरको पसल टहरा हटाउन सम्पदा अभियान्ताहरुले दबाब दिदै आएका थिए । काठमाडौं महानगरपालिका, व्यापारी र गुठी संस्थान सबैस“ग छलफल र सहमति गरी दुईमाजु परिसरका व्यापारीहरुको समस्याको हल गर्नुपर्ने सरोकारवालाहरुको भनाई छ ।

दुईमाजु परिसरको पसल टहरामा तालाबन्दी भएपछि उत्पन्न भएको समस्यालाई हल गर्न काठमाडौं महानगरपालिकाका उपप्रमुख हरिप्रभा खड्गीसहित वडा नं. २८ का वडाअध्यक्ष, व्यापारी र सम्बन्धित निकायहरुबीच बहस भईरहेको छ ।