काठमाडौं, १७ कात्तिक । नेपालमा १२ लाख हेक्टर जमिनमा कफी खेतीको संभावना छ । ९० हजार मेट्रिक टनको संभावना भए पनि, हाल ५ सय ७३ मेट्रिक टन मात्र कफी उत्पादन हुदै आएको छ ।

कफी कृषकका लागि सरकारले कुनै पनि किसीमको सहयोग नगर्दा कृषकहरुलाइ समस्या भएको व्यवसायीहरुले गुनासो गरेका छन् ।

सरकारी तथ्यांक अनुसार २ हजार ६ सय ५० हेक्टरमा कफीको खेती भइरहेको छ । कफि व्यवसायमा ६ हजार ५ सय कृषक संलग्न रहेका छन् । नेपालमा उत्पादित कफी अन्तराष्टि रूपमा उच्च स्तरको पाइएको , कफी उत्पादनको दर भने त्यति सन्तोषजनक करिब चार दशकअघि गुल्मीबाट नेपालमा व्यवसायिरूपमा कफी उत्पादन सुरु गरिएको हो । हाल ४७ सरचालीस, जिल्लामा कफिको सम्भावना छ । सम्भावना धेरै भएपनि उत्पादनको अवस्था कमजोर छ । अहिलेसम्म नेपालमा वार्षिकरूपमा ५ सय मेट्रिक टनको हाराहारीमा मात्र कफी उत्पादन हुने गरेको अधिकारीहरूको भनाइ छ ।

विश्वमा दैनिक २ अर्ब १५ करोड कप कफी बजारमा खपत हुन्छ । नेपालमा उत्पादित कफीलाई विश्व बजारले गुणस्तरीय ठाने पनि कफी खेतीप्रति सरकारी निकायको बेवास्ता गर्दा कफी किसानहरू उत्साहित हुन सकेका छैनन् । सरकारले कफी खेतीलाई प्रोत्साहन गर्ने हो भने नेपालमा कफी खेतीका प्रशस्त सम्भावना रहेको छ । नेपाल चिया तथा कफी विकास बोर्डले नेपाली कफीको गुणस्तरका बारे सन २०१८ मा नेपाली कफीले अन्तराष्ट्रिय बजारमा ९० अंक पाएको थियो । बोर्डका अनुसार त्यो अंक छिमेकी मुलुक भारत र चीनले पाएकोभन्दा बढी हो । विगत ६ वर्षदेखि नेपाली कफीलाई अन्तराष्ट्रिय परीक्षणमा पठाउन थालिएको हो । परिक्षणमा लेकाली कफी स्टेट नुवाकोटले पहिलो पटक त्यति धेरै अंक पाएको हो । पछिल्लो परीक्षणले नेपालको कफी विश्व बजारमा उच्चस्तरको भएसगै नेपालका लागि नया अवसरहरू पनि आएको बताउछन् ।

२०३२ सालमा गुल्मीबाट सुरु भएको कफी खेती अहिले देशको मध्यपहाडी क्षेत्रका सबैजसो जिल्लामा फैलिसकेको छ । नेपालमा उत्पादित कफीको मुख्य बजार युरोप र अमेरिका हो । कफिको अत्याधिक माग छ । गुणस्तरको हिसाबले पनि अब्बल भएपनि कफि खेतिमा राज्यको नीति कार्यक्रमले ठोस परिणाम दिन नसक्दा कफिमा सुधार आउन नसकको हो ।