बर्दिया, १७ कात्तिक । विशेष गरी बाके , बर्दिया , दाङ्ग , कैलाली र कन्चनपुर जिल्लाका गाउमा नेटवर्किङका नाममा ठगी हुदै आएको छ । बोनको प्रलोभन देखाउदै यस क्षेत्रमा नेटवर्किङका नाउमा ठगी धन्दा हुदै आएको छ । ठगी धन्दामा संलग्नहरुलाई बर्दिया प्रहरीले नियन्त्रणमा लिइ सर्वाजनिक गरेको छ ।

अरियन्स् ग्लोबल मार्केटिङ्ग प्रालि लिमिटेड नामक बहुराष्ट्रिय कम्पनीको नाउमा ठगी गर्नेहरु प्रहरी फन्दामा परेका छन् । ठगीमा संलग्नहरुलाई प्रहरीले लामो समयको अनुसन्धान पछि पक्राउ गर्न सफल भएको हो । सर्वसाधारणलाई बोनको प्रलोभन देखाउदै उक्त गिरोहले पैसा उठाउदै आएको थियो । ग्राहकले खरिद गरेको फुड प्रोडक्टबाट १० देखि २० बोनस प्रतिशत रकम पाइन्छ भन्दै उक्त समूहले सर्वसाधारलाई झुक्याउदै आएको थियो । नेटवर्किङका नाउमा ठगि भईरहेको खबर पाएपछि संलग्नहरुलाई नियन्त्रणमा लिएको बर्दिया प्रहरीले बताएको छ ।

बहुराष्ट्रिय कम्पनि अरियन्स् ग्लोबल मार्केटिङ्ग प्रालि लिमिटेड सिगापुर, फिलिपिन्स, युएई ,आईरल्यान्ड, मलेसीया,श्रीलंका भुटान लगायतका देशमा रहेको बताइएको छ । । नेपालमा क्रिष्टल केयर नामक संस्था भारतको चेन्नईमा प्रधान कार्यालय रहेको छ । नेपाल भारतको सीमा नजिक लखिमपुर भन्ने स्थानमा नेचुलर वइल इन्टरप्राइसेस् नामक कार्यालय खोलेको समेत प्रहरीले बताएको छ ।

कैलालीको टिकापुर वार्ड न १ का साजन चौधरीलाई सम्पर्कमा ल्याएपछि निजकै माध्यमबाट सोहि स्थानका सन्तोष चौधरी र कैलाली वैजापुरका मनोज चौधरीहरुबाट यो नेटवर्किङको धन्दा अघि बढेको हो । ठगहरुले कम्पनीमा प्रवेश गर्न प्रति व्यक्ती एक हजार रुपैयाको सदस्यता लिनु पर्दछ । सो पश्चात सदस्यता लिएकाहरुलाई ४ दिनको तालिम दिइन्छ र पाचौ दिनमा ग्राहकसंग बोल्न सक्ने र नसक्ने भनि सामान्य परिक्षा लिएपछि सदस्यहरुलाई अनिवार्य रुपमा २ जना सदस्य बनाउनु पर्दछ ।

यसरी सदस्य बनेपछि १० देखि २० प्रतिशत सम्म छुटमा औषधि पाउने प्रबन्ध छ । नया सदस्य थपेपछि बोनस पाउने बताइएको छ । पद वढदै गएपछि प्रोडक्टमा २४ प्रतिशत सम्म छुट पाउने सुविधासंगै कम्पनिको २ प्रतिशत सम्म फाइदा हुने प्रलोभनमा सर्वसाधार झुक्किएका हुन् । नेटवर्किङ्ग व्यापारमा एउटा ग्रुप हुन ३ जनाको आवश्यकता पर्दछ ।आफु बनिसकेपछि आफनो तल २ जना अनिवार्य रुपमा सदस्य बनाउनु पर्दछ । नबनाएको खण्डमा निज सदस्य नबनाउने व्यक्तिले कमिसन रकम पाउने छैन ।

कम्पनिले पैसा कमाउने तरिकालाई ७ भागमा विभाजन गरेको छ । सबै भन्दा सक्रृय सदस्यले फुड प्रोडक्ट किन्न पाउने र किन्दा पाएको छुट १० देखि २० प्रतिशत फाइदा हुने भन्दै सर्वसाधारणलाई झुक्याइदै आएको हो । यसरी सुरु हुने नेटवर्किङ्ग व्यापारको अनुसन्धान गर्ने क्रममा कैलाली , कन्चनपुर , बाके , बर्दिया , र दाङका करिब २ सय जना सर्वसाधारण प्रहरीले सीमा नाकाबाट उद्धार गरेको छ भने पिडित व्यक्तिहरुबाट आरोपितको पहिचान गरी हाल सम्म चार जनालाई पक्राउ गरिएको हो ।यसरी सर्वसाधारणलाई पैसाको प्रलोभन देखाएर ठगी धन्दा गर्नेलाई कडा कार्वाही गर्दै अबका दिनमा यस्ता गैरकानुनी नेटवर्किङ व्यापार पूर्णरुपमा निस्तेज पार्न राज्य संयन्त्रसंगै सर्वसाधारण सचेत बन्न आवस्यक छ ।