बुटवल ८, कार्तिक ।
सेवाग्राही संग घुस खाईरहेका एक सरकारी कर्मचारी सहित २ जना अख्तियारको फन्दामा परेकाछन् । शिक्षा निर्देशनालय बुटवलमा एक कर्मचारी सहित २ जनालाई घुस रकम लेनदेन भईरहेकै अवस्थामा अख्तियार दुरुपयोग अनुसन्धान आयोग बुटवल कार्यालयले नियन्त्रणमा लिएको हो ।
अख्तियारको बुटवल कार्यालयले शिक्षा बिकाश निर्देशनालय नयागांउमा कार्यरत सव ईन्जिनियर सन्दीप पौडेल र बिक्रम बस्नेतलाई नियन्त्रणमा लिएको जनाएको छ ।
घुस रकम लेनदेनको मध्यस्तकर्ता बनेका बिक्रम बस्नेतको सहयोगमा सेवाग्राही संग रकम लेनदेन भएकै अवस्थामा पुरानो बुटवलको उजीरसिंह माबि अगाडीको राजमार्ग किनारबाट नियन्त्रणमा लिएको अख्तियारको बुटवल कार्यालयले पुष्टी गरेको छ ।
पुर्व पश्चिम राजमार्गको किनारमा रकम लिईरहेकै अवस्थामा २ जनालाई नियन्त्रणमा लिईएको अख्तियार दुरुपयोग अनुसन्धान आयोग बुटवलका सूचना अधिकारी सूरेस भुसालले बताउनुभयो।

उनीहरुबाट सेवाग्राही संग लिएको एकलाख २० हजार घुस रकम समेत बरामद गरेको भुसालले जानकारी दिनुभयो ।