काठमाडौं, २ कात्तिक । अफगानिस्तानमा शुक्रबार नमाजका क्रममा एक मस्जिदमा भएको बम विष्फोटमा ६२ जनाको मृत्यु भएको छ ।
अधिकारीका अनुसार पूर्वी नानगहर प्रान्तको एक मस्जिदमा शुक्रबारको नमाजका क्रममा विष्फोट भएको हो । यो बम हमलामा दजर्नौँ मानिसहरु घाइते भएका छन् । विष्फोटका कारण मस्जिदको छत समेत ढलेको छ ।
यो इलाकामा इस्लामिक स्टेट र तालिबान दुवै सक्रिय छन् तर अहिलेसम्म बम हमलाको जिम्मेबारी कसैले लिएको छैन ।
यूएनका अनुसार जुलाई देखि सेप्टेम्बरको बीचमा कम्तिमा ११७४ नागरिक मारिएका छन् ।
प्रतिक्रिया दिनुहोस्