धनुषा, १५ असोज जनकपुरमा प्रहरीको भ्यानसँग मोटरसाइकल ठोक्किँदा एक जनाको ज्यान गएको छ भने अन्य एक जना घाइते भएका छन् ।
दुर्घटनामा धनुषाको धनौजी गाउँपालिका–२ घर भइ जनकपुर उपमहानगरपालिका–४ आनन्दनगर बस्ने १९ वर्षीय मनिष मण्डलको ज्यान गएको जिल्ला प्रहरी कार्यालय धनुषाले जनाएको छ ।
बुधबार बिहान साढे ८ बजे सरसफाइ कार्यक्रम गरेर फर्किँदै गरेको प्रदेश २ प्रहरी गणको ना १ ग ४७९ नम्बरको प्रहरी भ्यानमा तीव्र गतिमा आउँदै गरेको अनटेस्ट २२० सीसीको पल्सर मोटरसाइकल जनकपुरको रामचोकमा ठोक्किएको प्रहरी उपरीक्षक शेखर खनालले जानकारी दिनुभयो ।
मोटरसाइकल चालक मण्डलको घटनास्थलमै ज्यान गएको प्रहरीले जनाएको छ । मृतक मण्डलको शव पोष्टमर्टमको लागि जनकपुर अञ्चल अस्पताल लगिएको छ ।
प्रतिक्रिया दिनुहोस्