काठमाडौं, ८ असोज । बैंकलाई एउटा सेवा मुखी व्यवसायको रुपमा समेत लिइन्छ । जनताले दुःख गरेर कमाएको सम्पतीलाई सुरक्षित गर्ने अनि जनतालाई बिश्वासमा लिएर बैकिङ कारोबार गर्ने काम संसार भरका बैंकले गर्ने गर्र्दै आएका छन् । नेपालका बैंकको पनि यही नै हो आचारसंहिता । तर कहिलेकाहीं व्यवस्थापनले बुद्धि नपुर्याउंदा या बैंकका माथिल्लोस्तरकै कर्मचारीको मिलेमतोमा बैकिङ कसुरका घटना भैरहेका हुन्छन् । पछिल्लो पटक बैंक अफ काठमाडौंका पूर्व सीईओ गिरफ्तार भएका छन् ।
बैंकले सेवा प्रवाह गर्दा कतै चुक नहोस भनेर सदा सजग हुनुपर्छ । तर, बैंकिङ मिलेमतोमा हुने ठगीले एकदुई ऋणि मात्र होइन सबै सेवाग्राही नै प्रभावित हुने अवस्था पनि आउंछ । निजी क्षेत्रको मेगा बैंक विरुद्ध एक सेवाग्राहीले ठगीको आरोप लगाएका छन् ।
मेगा बैंक खराब कर्जा कै कारण बिवादमा तानिएको छ । मेगा बैंकले कर्जा मिलाउने नामुद ठगसंग मिलेर करोडौं रकमको दुरुपोग गरेको तथ्य फेला परेको छ । बैंकलाई एउटा सेवा मुखी व्यवसायको रुपमा समेत लिइन्छ । जनताले दुःख गरेर कमाएको सम्पतीलाई सुरक्षित गर्ने अनि जनतालाई बिश्वासमा लिएर बैकिङ कारोबार गर्ने काम संसार भरका बैंकले गर्ने गर्र्दै आएका छन् । नेपालका बैंकको पनि यही नै हो आचारसंहिता । तर कहिलेकाहीं व्यवस्थापनले बुद्धि नपुर्याउंदा या बैंकका माथिल्लोस्तरका कर्मचारीको मिलेमतोमा बैकिङ कसुरका घटना भैरहेका हुन्छन् ।
पछिल्लो पटक मेघा बैंकबाट आफु पीडित भएको भन्दै बैंकका एक सेवाग्राही न्यायको खोजीमा प्रहरी, नेपाल राष्ट्र बैंक हुंदै संचारमाध्यमसम्म पुगेका छन् । बैंकका कर्मचारीको मिलेमतोमा आफु ठगिएको दाबी गर्दै ती सेवाग्राही आफ्नो करोडौं रकम गुम्ने भयमा भौतारिएका छन् ।
यी हुन पर्सा जिल्ला वीरगंज महानगरपालिका घर भई हाल काठमाण्डौ वडा नम्बर २७ बस्ने उत्तम कुमार ।
कुमारले काठमाडौको वडा नम्बर २९ मा रहेको ग्लोवल माउन्टेन आउट वेयर उद्योग र उद्योगको नाममा म्हेपी २९ मा रहेको कित्ता नम्बर ८२ र २ को ३६५ र २६१ वर्ग मिटरमा रहेको जग्गा र घर धितो राखि मैगा बैंकले ८ करोड ऋण लिएका थिए । तर, उत्तम कुमारले उक्त ऋण चुक्ता गर्न नसकेपछि नवलपरासीकी भूमा देवी पौडेलसंग मिलेर सट्टापट्टा गर्ने सहमति गरे । सहमतीमा भूमाको टाउन प्यालानिङमा रहेको घर र प्रभु बैंकमा रहेको ऋण तिर्ने सहमती गरे । तर भूमा देवी र गुरुदत्त पौडेलले मेगा बैकसंग मिलेर आफ्नो ८ करोडको जग्गालाई १४ करोडको लिलामीमा निकालेर रजाइ गर्न लागेको उत्तम कुमार दाबी गर्छन् ।
पीडित उत्तम कुमार भने मेघा बैंकका ऋणि भूमादेवी गौतम र मेगा बैकले आफुलाई थप ठगी गरेको दाबी गर्दै महानगरीय प्रहरी परिसर अपराध अनुसन्धान शाखामा उजुरी गरेका छन् । उत्तम कुमारले बैंकमाथि छानविन गर्न नेपाल राष्ट्र बैंकमा समेत उजुरी गरेका छन् । बैंकका उच्च तहका कर्मचारीको मिलेमतोमा ३ करोड ४० लाखको मात्र रोक्का भएको कित्ता नं. २३२ नं.को जग्गाबाट बैंकले सेनसेशन लिक्वेयरको नाममा २ करोड ८० लाख र विश्वास मल्टिपर्पोजको नाममा थप ५ करोड १७ लाख गरी ७ करोड ९७ लाख कर्जा दिएको दाबी गर्छन् ।
यस्तै, उत्तम कुमारले ३ जुलाई २०१९ मा प्रहरी हिरासतमा रहेकी भुमा देवीलाई ८५ लाख ऋण प्रवाह गरेको उत्तम कुमार दाबी गर्छन् । बैंकिङ कसुरमा महानगरीय प्रहरी वृत्त महाराजगन्जको हिरासतभित्र रहेकी भूमादेवीले बैंकबाट कसरी कर्जा प्राप्त गरिन ? भन्ने प्रश्न गर्छन् उत्तम कुमार ।कर्मचारीको सेटिङमा मेगाले कमिसनको लोभमा कर्जा प्रवाहको नाममा करौडौ रकमको चलखेल गरिरहेको सोझो आरोप उनको छ
आरोप १. दुई पक्षबीच सट्टापट्टाको जानकारी भएपनि मेघा बैंकले बैंकिङ कर्जा सुविधाअन्तर्गत कित्ता नं. २३२ को ३ करोड ४० लाख धितो मूल्यांकन रहेकोमा सेनसेशन लिक्वेयर र विश्वास मल्टिपर्पोजको नाममा ५ करोड १७ लाख रुपैंयां गरी ७ करोड ९७ लाख ऋण प्रवाह गरेको छ । कम धितोमा बढी ऋणप्रवाह कसरी भयो भन्ने प्रश्न उब्जिएको छ ?
आरोप २. कित्ता नं. २३२ मा ७ करोड ९७ लाख ऋण नदिएको भए प्रहरीलाई दिएको बैंकले झुट्टा जवाफ छ । आरोपितले अर्को आरोप लगाएका छन् ।
आरोप ३. बैंकले भुमादेवीको लोन रिन्यू गर्ने बेलामा भूमादेवी प्रहरी हिरासतमा रहेकी छन् । हिरासतमा रहेको व्यक्तिको लोन कसरी स्वीकृत हुन्छ ? के बैंकका कर्मचारी हिरासतमै पुग्नेगर्छन्, हस्ताक्षरका लागि ? के हुन्छ प्रक्रिया ?
आरोप ४. भूमादेवीले कित्ता नं. २३२ को घर जग्गा उत्तमलाई पास नदिइ प्रभु बैंकमा रहेको ऋण चुक्ता गरी सोही जग्गा राखेर मेघा बैंकमा ऋण लिएको छन् । पूर्व सहमतिअनुसार उत्तमलाई पास गर्नुपर्ने जग्गा पास भएको देखिदैन बरु, सोही जग्गालाई धितो राखि मेघाबाट सहमति भएको भन्दा थप ऋण कर्जा लिएको देखिन्छ । यसमा मेघा बैंकले ऋण प्रवाह गर्दा जग्गा झगडिया भएको ख्याल गरेको देखिदैन ।
आरोप ५. उत्तमकुमारले राष्ट्र बैंकमा उजुरी गरिसकेपछि बैंकले त्यसको जवाफ पठाउंदा उत्तम खराब ऋणी भएको जवाफ पठाएको छ भनेर उनले दाबी गरेका छन् । के उनी खराब ऋणी नै हुन् ?
आरोप ६.यदि, उनी खराब ऋणी हुन भने मे २४ मा उत्तमको बैंकिङ रेकर्ड कबतष्काबअतयचथ रहेको भनि बैंकका सीओओ राजेश शर्माले पत्र तयार पारेका छन् । के त्यो पत्र नक्कली होला त ?
प्रतिक्रिया दिनुहोस्