बाँके, ३० भदौ । नेपालगञ्ज उपमहानगरपालिकामा नेपालमै पहिलो पटक एकीकृत फोहोरमैला व्यवस्थापन तथा प्रशोधन केन्द्र (ल्याण्डफिल साइट) सञ्चालनमा आएको छ । सघीय सरकार सहरी विकास मन्त्रालयको १५ प्रतिशत, एशियाली विकास बैंकको ५५ प्रतिशत ऋण, नगरविकास कोषको १५ प्रतिशत ऋण र नेपालगन्ज उपमहानगरपालिकाको ५ प्रतिशत लागतमा ल्याण्डफिल्ड साइट निर्माण भएको हो ।
बाँकेको नेपालगञ्ज उपमहानगरपालिका २३ हिरमिनियामा आधुनिक ल्याण्डफिल साइटको निर्माण भएको छ । नेपालमा नै पहिलोपटक निर्माण भएको यस्तो खालको ल्याण्डफिल साइट सञ्चालनमा आएसँगै नगरको फोहोरमैला व्यवस्थापन गर्न सहज हुने अपेक्षा गरिएको छ । विगतमा फोहोरमैला व्यवस्थापन गर्ने ठाउँ नहुँदा नेपालगञ्ज उपमहानगरपालिकाले सास्ती पाउँदै आएको थियो । तर, अब यो ल्याण्डफिल्ड साइटले १५ देखि २० वर्ष धान्ने नगर प्रमुख डा. धवलशमशेर राणाले बताए ।
नेपालगञ्ज निवासी संघीय सरकारका शहरी विकास मन्त्री मोहम्मद इस्तियाक राईले नेपालमा डेढ दर्जन ठाउँमा निर्माण गर्ने लक्ष्य लिएको बताए । ल्याण्डफिल्ड साइट सबैभन्दा पहिले नेपालगन्जले कार्यान्वयनमा ल्याएर नमुना काम गरेको पनि मन्त्री राइले बताए । डिजाइनमा ३२ बर्षसम्मको फोहोरमैला व्यवस्थापनको लागि निर्माण गरिए पनि पछि उपमहानगरपालिका बनाउँदा क्षेत्र थपिएकोले ल्याण्डफिल्ड साइटले २० वर्षसम्म धान्ने अनुमान गरिएको उनले बताए ।
थियो । सबैजसो ठाउँमा विवाद भएर अहिले बन्न सकेको छैन । नेपालगञ्जमा २०७३ जेठ ३१ मा सम्झौता भएर असार २० गतेदेखि काम थालिएको थियो । ल्याण्डफिल्ड साइट १३ विगाह पाँच कठ्ठामा फैलिएको छ । शहरी विकास तथा भवन डिभिजन विभागका महानिर्देशक मनिराम गेलालले नगरको फोहोर बैज्ञानिक तरिकाले व्यवस्थापन गर्नको लागि आधुनिक ल्याण्डफिल साइट निर्माण गरिएको बताए । यहाँ निर्माण गरिएको ल्याण्डफिल साइटमा गल्ने र नगल्ने दुई प्रकारका फोहोरलाई व्यवस्थापन गर्न सकिने उनले जानकारी दिए ।
देशमै पहिलो पटक बनेको आधुनिक ल्याण्डफिट साइटले नेपालगञ्जको फोहोर व्यवस्थापनको समस्या समाधान गर्नेमा नगरबासीहरु आशाबादी रहेका छन् । फोहोर व्यवस्थापनको लागि ल्याण्डफिट साइट निर्माण हुनुभन्दा पनी त्यसको सही सदुपयोग कतिसम्म हुन्छ त्यो थाहा पाउन केही महिना त कुर्नेपर्छ ।
प्रतिक्रिया दिनुहोस्