नेपाल चीनबीच औपचारिक रुपमा दौत्य सम्बन्ध ६० वर्षमा प्रवेश (भिडियोसहित)



काठमाडौं, २५ भदौ । सन् १९५५ मा नेपाल चीनबीच औपचारिक रुपमा दौत्य सम्बन्ध स्थापित भएपश्चात्को ६ दशकको अवधिमा चीनका उच्च पदाधिकारीहरुबाट विरलै मात्रामा नेपाल भ्रमण गरेका छन् । दौत्य सम्बन्ध स्थापना भएको ६० वर्षभन्दा बढीको अवधिमा चीनका दुई राष्ट्रपति, पाँच प्रधानमन्त्री र पाँच जना उपप्रधानमन्त्रीले नेपाल भ्रमण गरेका छन् । नेपालबाट भने राजा, राष्ट्रपति र प्रधानमन्त्री सहित २ दर्जनभन्दा बढीको चीन भ्रमण भईसकेको छ ।

गत आइतबार नेपाल आएका चिनियाँ विदेशमन्त्री नेपाल भ्रमण सकेर मंगलबार स्वदेश फर्किएका छन् । विदेशमन्त्री वाङको प्रतिनिधिमण्डलमा चीनको विदेश मन्त्रालयका उपविदेशमन्त्री लु झाओहुइ, चाइना अन्तराष्ट्रिय डेभलपमेन्ट कोअपरेशन एजेन्सीका उपाध्यक्ष देङ बोकिङ तथा नेपालका लागि चिनिया राजदूत मिसेस होउ याङछी लगायत नेपाल आएका थिए । भ्रमणका लागि आइतबार सांझ नेपाल आएका चीनका विदेशमन्त्री वाङ सोमबार दिनभर व्यस्त रहे । वाङ यीको नेपाल भ्रमणमा यस अघिका नेपाल चीनबीच भएका सम्झौतामा छलफल भएको छ । नेपाल चीनबीच दुइदेशका हितका विषयमा छलफल केन्द्रीत रह्यो । मंगलबार पनि नेपाली काँग्रेसका सभापति शेरबहादुर देउवाको टोली र चिनियाँ विदेशमन्त्री वाङबीच भेटघाट भएको छ । मंगलबार नेकपा अध्यक्ष पुष्पकमल दाहाल प्रचण्ड र चिनिया विदेशमन्त्री वाङबीच झण्डै ४० मिनेट भेटवार्ता भयो । दुई देशबीच रहिआएको सदिऔँ पुरानो सम्बन्ध आजको सन्दर्भमा सुदृढ गर्ने सन्दर्भमा कुराकानी भएको अध्यक्ष प्रचण्डले जानकारी दिए ।

नेपाल र चीनबीचको उच्चस्तरीय भेटमा तातोपानी र केरुङ नाकामा अध्यागमनमा सहजता, रसुवाको टिमुरेमा बनाइने सुख्खा बन्दरगाह लगायत भौतिक संरचना, सीमापार रेलमार्ग निर्माण लगायतका विषयमा छलफल भएको छ । आइतबार चीनसँग सीमाना जोडिएको मनाङ जिल्लामा अस्पताल बनाउन चीनले ३५ करोडभन्दा बढी रकम सहयोग गर्ने भएको छ । भ्रमणका क्रममा बीआरआई परियोजनाको साथै दुई देशबीच भएका सम्झौता र कार्यान्वयनको अवस्था, आर्थिक साझेदारी, रेलमार्गलगायतका विषयमा छलफल भयो । बिआरआईमा नेपालको तर्फबाट जति प्रगति हुनुपर्ने त्यति हुन नसकेकोमा चीनिया“ पक्षले चासो देखाएका थिए । चिनिया चासोलाई नेपाली पक्षले गम्भीरतापूर्वक लिन सकेमा नेपालले लाभ लिन सक्छ । चिनियाँ विदेशमन्त्री वाङले चिनियाँ राष्ट्रपति सी जिनपिङले प्रधानमन्त्री केपी शर्मा ओलीलाई पठाएको सन्देश पनि प्रधानमन्त्रीनिवास बालुवाटारमा पढेर सुनाएका थिए । जवाफमा प्रधानमन्त्री ओलीलले पनि सदासयताका लागि धन्यवाद व्यक्त गरेका थिए ।

काठमाडौं–केरुङ रेलमार्गको सम्भाव्यता अध्ययनका नेपाल र चीन बीचको सहयोग र साथका विषयमा छलफल गरिएको छ । वार्तामा नेपाल र चीनबीच आपसी हित विगतमा गरिएका प्रतिवद्धतालाई सम्झौता र समझदारी पत्रमा हस्ताक्षर गरिएको छ । वाङको औपचारिक भ्रमणले दुई देशबीचको सम्बन्धलाई नयँ“ा उचाइमा पु¥याउने अपेक्षा गरिएको छ । संगसंगै यो भ्रमणका क्रममा नेपाल चीनबीच कति बुंदामा सहमति भयो भन्दा पनि यो भ्रमण चिनिया राष्ट्रपति सि जिङपिङको नेपाल भ्रमणका लागि थियो भनेर बुझ्न आवश्यक छ । राष्ट्रपति सी असोजको अन्तिम साता नेपाल आउनेछन् ।

 

    Comment Here!


सम्बन्धित समाचार

View All