काठमाडौं २४ भदौ । नेपालको तीन दिने भ्रमणमा आएका चिनिया स्टेट काउन्सिलर तथा विदेशमन्त्री वाङ यी र नेकपा अध्यक्ष पुष्पकमलदाहाल प्रचण्डबीच भदौ २४ गते (सेप्टेम्बर १०) विहान भेट वार्ता भएको छ ।

काठमाडौंको होटल सोल्टीमा भएको वार्तामा प्रचण्ड र वाङ यी बीच दुई देशीय भावना र विश्वासालाई बुझ्ने काम भएको थियो । यीले प्रचण्डलाई चिनिया पक्षको चाहना, तत्काल सहयोग गर्ने क्षेत्र लगायतका विषयमा विश्वास दिलाएका थिए ।

दुई पक्षीय विभिन्न कुराकानीका अलवा वाङले प्रचण्ड र प्रधानमन्त्री ओलीको दृष्टिकोण समान पाएकोमा खुशी व्यक्त गरेका थिए । प्रचण्डको बुझाईमा चीन पार्टी एकता र सरकार गठन भएदेखि यताको अवस्थामा बल्ल पूर्णत विश्वस्त भएर नेपाल र नेकपालाई विश्वास गर्न सकिने तहमा पुगेको छ ।

प्रचण्ड र चीन बीचको सम्वन्ध र त्यसमाथि व्यक्तिगत रुपमा पनि वाङसँगको चिनजान र अनौपचारिक ढंगले कुराकानी गर्न सक्ने तहको सम्वन्ध धेरै लामो रहेको पृष्ठभूमिमा वाङ यी प्रचण्डसँग अझ बढी खुलेको चिनिया दूतावास स्रोतले जानकारी दिएको छ ।
यस अघि सोमाबार वाङले राष्ट्रपति विद्यादेवी भण्डारी र प्रधानमन्त्री केपी शर्मा ओलीसँग छुट्टाछुट्दै शिष्टाचार भेटवार्ता गरेका थिए । त्यसभन्दा पहिले दिउँसो वाङ यीको प्रतिनिधि मण्डली र नेपाली समकक्षी प्रतिनिधिमण्डलस्तरमा समेत वार्ता भएको थियो । वार्ता लगतै फरक फरक तीन वटा आयोजना र सहयोगसम्वन्धी हस्तक्षर समेत भएको थियो ।

आज विहान प्रचण्डसँग भेटवार्ता गर्नु पहिले वाङ यी ले पर्यटककै शैलीमा भक्तपुर दरबार स्क्वाएरको भ्रमण गरेका थिए । त्यसो त सोमबार चिनिया स्टेट काउन्सिलर वाङले चन्द्रगिरिमा पुगेर १ घण्टा हाइकिङ गरेका थिए ।

वाङको यो भ्रमणले नेपाल आकर्षक पर्यटकीय गन्तव्य हो भन्ने सन्देश चिनिया जनतामा पु¥याएर नेपालको समृद्धिमा अप्रत्यक्ष योगदान गरेको छ ।

चिनिया स्टेट काउन्सिलर र नेपाली प्रतिनिधिमण्डलबीच वैठक। काठमाडौं

चिनिया राजदूत होउ यान्छी र नेपाली प्रतिनिधिबीच हस्ताक्षर .