काठमाण्डौं, २९ असोज ।ओस्कर आयोजना गर्ने संस्था द युएस एकेडेमी अफ मोशन पिक्चर आर्ट्स एण्ड साइन्सेसले चलचित्र निर्माता हार्भी वाइन्स्टिनलाई निष्कासित गर्न मतदान गरेको छ ।

वाइन्स्टिनविरुद्ध यौन दुव्र्यवहारका अनेकौं आरोपहरु आएपछि उनलाई निष्कासित गर्न मतदान गरेको हो । उनलाई निष्कासन गर्न आवश्यक दुई तिहाइभन्दा बढी मत प्राप्त भएको ओस्करले जनाएको छ । हलिवुडका टम ह्याङ्क्स र हुपी गोल्डबर्ग लगायतका वरिष्ठ व्यक्तिहरु ओस्करका सदस्य हुन् । वाइन्स्टिनका फिल्महरु ३०० भन्दा बढि ओस्कर नोमिनेशनमा परेका थिए र ८० वटा पुरस्कार पाउन सफल भएका थिए । आफ्ना सहकर्मीहरुलाई सम्मान नगर्ने, यौन र्दुव्यहार गर्ने, लाजमर्दो व्यवहारमा सहभागी हुने गरेको एकेडेमीको जारी विज्ञप्तिमा छ । कार्यस्थलमा दुव्र्यवहारको युग अब अन्त्य भएको सन्देश दिएको पनि विज्ञप्तिमा छ । नायिकाहरु एन्जेलिना जोली, ग्वीनिथ पेल्ट्रो, रोज म्याकगोवेन लगायत दुइ दर्जनभन्दा बढी महिलाहरुले आफूमाथि होटलको कोठामा बलात्कार गरेको भन्ने आरोप वाइन्स्टिनविरुद्ध लगाएका थिए । अमेरिका र ब्रिटेनका प्रहरीले आरोपहरुक अनुसन्धान गरिरहेका छन् ।