धनुषा, २९ । असोज दुई गते स्थानीय तहको निर्वाचन हुने दुई नम्बर प्रदेशको जनकपुर उपमहानगर सबै दृष्टिणको महत्वपूर्ण छ । ऐतिहासिक–धार्मिक दृष्टिकोणले मात्र होइन, राजनीतिक पेष्टभूमीको आधारमा पनि जनकपुर महत्वपूर्ण छ । त्यति मात्र होइन, देश संघीयतामा प्रवेश गरिसकेपछि जनकुरलाई दुई नम्बर प्रदेशको राजधानी बन्न सक्ने सम्भावना बोकेको स्थानीय तहको रुपमा हेरिएको छ । त्यसैले, जनकपुर सबै राजनीतिक दलका प्रतिष्ठाको थलो बनेको छ । मधेसी दलको पकड क्षेत्र मानिए पनि दुई नम्बर प्रदेशमा अन्य दल कमजोर छैनन् । तीन ठूला दल सहित साना दलका उम्मेदवार पनि जनकपुराका लागि बलिया प्रतिस्पर्धी हुन । त्यसैले जनकपुराको प्रतिस्पर्धा निक्कै रोचक हुने निश्चित छ । चुनावी मैदानमा रहेको सबै उम्मेदवार आफ्नो जित सुनिश्चित रहेको दावी गर्छन् ।

मधेस अन्दोलनको केन्द्र भएकाले दुई नम्बर प्रदेशको धनुषा स्वभाविक मधेसी दलको प्रतिष्ठाको जिल्ला मान्नु पर्छ । मधेसी दलको पकड खोस्ने अन्य दलको तयारी सामान्य छैन । सबै दल निर्वाचन जित्न बेजोड लागिपरेका छन् । धनुषामा १ उपमहनगरपालिका सहित १० नगरपालिका र ७ गाउँपालिका छन् । यी सबै स्थानीय तह सबै राजनीतिक दलका लागिका उत्तिकै महतवपूर्ण हुन । तर, राजनीतिक दलका लागि धनुषाको जनकपुर उमहानगरपालिका प्रतिष्ठाको स्थानीय तह बन्न पुगेको छ । प्रदेश नम्बर २ को राजधानी बन्ने प्रबल सम्भावना रहेको जनकपुरमा जित हासिल गर्न सबै दल लागिपरेका छन् । सबै दलका लागि प्रतिष्ठाको नगर बनेको जनकपुरलाई नेतृत्व गर्न चुनावी मैदानमा रहेका कुनै पनि उम्मेदवार कमजोर छैनन् । सबै दलको पृष्टभूमी बलियो छ । सबै उम्मेदवार स्थानीय तहमा स्थापित नेतृत्व हुन ।

जनकपुरमा मेयर उम्मेदवार यस्ता छन् :

नेपाली कांग्रेसले जनकपुर उपमहानगरमा युवा नेता मनोजकुमार साहलाई मेयरको उम्मेदवार बनाएको छ । जनकपुर सभापति समेत रहेका मनोज विद्यार्थी कालदेखी नै कांग्रेसमा आवद्ध हुन । जनकपुरमा क्षेत्रमा स्पापित मनोजलाई कांग्रेसले बलियो उम्मेदवारको रुपमा जनकपुरको मेयरको उम्मेदवार बनाएको छ । सामाजिक तथा आर्थिक रुपमा सवल मनोज आफ्नो जित सुनिश्चित रहेको दावी गर्छन् ।

नेकपा एमालेले जनकपुर उपमहानगरमा मेयरको पूर्व कर्मचारी लक्ष्मीनारायण भगतलाई मेयरमा अघि सारेको छ । कृषि अधिकृतको रुपमा लामो समय जागिर खाएका लक्ष्मीनारायण जागिरे हुँदा पनि राजनीतिमा सक्रिय थिए । मेयरका अन्य आकंक्षीहरुलाई उछिनेर उम्मेदवार बनेका लक्ष्मीनारायण आफ्नो जितबारे यस्तो दावी गर्छन् ।

नेकपा माओवादी केन्द्रले जनकपुर उपमहानगरको मेयरका रुपमा व्यवसायी चन्द्रशेखर साहलाई अघि सारेको छ । माओवादी शान्ति पक्रियामा आएपछि माओवादीमा आवद्ध भएका साहलाई पनि जनकपुरमा बलियो उम्मेदवार मानिएको छ । जनकपुरलाई समृद्ध बनाउने आफ्नो योजना कार्यान्वयनका लागि पनि आफुले जित्नुपर्ने उनको दावी छ ।

दुई नम्बर प्रदेशमा बलियो मानिएको राष्ट्रिय जनता पार्टीले जनकपुरमा पुरना नेता लालकिशोर साहलाई मेयरको उम्मेदवार बनाएको छ । लामो समयदेखी मधेस राजनीतिमा सक्रिय लालकिशोर स्थानीय तहमा स्थापित नेता मानिन्छन् । यसअघि नै जनकपुरमा उपमेयर बनिसकेका लालकिशोरलाई पनि बलियो उम्मेदवार मानिएको छ । जनकपुरमा मधेस आन्दोलको नेतृत्व गर्दै आएका लालकिशोर आफुले जसरी पनि जित्ने दावी गर्छन ।

जनकपुरमा संघीय समावादी फोरम नेपालले विष्णुदेव साहलाई मेयरको उम्मेदवार बनाएको छ । विष्णुदेव मुलत व्यवसायी हुन । तर, मधेस आन्दोलनका सक्रिय नेतृत्व पनि हुन । संघीय समाजवादीको समेत राम्रो क्षेत्र मानिएको जनकपुरमा मेयरका उम्मेदवार बनेका विष्णुदेव पनि आफ्नो जित सुनिश्चित रहेको दावी गर्छन् ।

विजयकुमार गच्छदार नेतृत्वको नेपाल लोकतान्त्रिक फोरमले जनकपुरमा होटल व्यापारी हंसजार साहलाई चुनावी मैदानमा उतारेको छ । हंसराज साहलाई कम समयमा राम्रै आर्थिक विकास गरेका व्यवसायीको रुपमा चिनिन्छन् । आफु मेयर निर्वाचित भए सरकारले दिने तलबभत्ता नलिने घोषणा गरेका साह आफ्नो जित कसैलो रोक्न नसक्ने बताउँछन् ।

जनकपुरमा रामप्रपा पनि बलियो प्रतिस्पर्धी दल मानिएको थियो । चुनावकै मुखमा विभाजन भएपछि राप्रपा कमजोर भएको व्याख्या हुन थालेको छ । जनकपुरमा दुबै राप्रपाले महिला उम्मेदवारलाई मेयरको रुपमा अघि सारेका छन् । राप्रपा नेपालले राजकुमारी साहलाई अघि सारेका छ भने प्रजातन्त्रिकले रुपाकुमारी ठाकुरलाई उम्मदेदवार बनाएको छ । राप्रपा नेपालबाट मेयरको उम्मेदवार बनेकी राजकुमारी आफु कमजोर उम्मेदवार नरहेको बताउँछिन् ।

चुनावी मैदानमा रहका सबै उम्मेदवारले जनकपुरको विकासलाई मुख्य एजेण्डा बनाएका छन् । त्यति मात्र होइन, जनकपुरलाई दुई नम्बर प्रदेशको राजधानी बनाउने प्रतिवद्धता कसैले छुटाएका छैनन् । तर, निर्वाचन कुनै उम्मेदवारले दावी गरेजस्तो सहज हुँदैन । स्थानीय स्तरमा राम्रो छवि बनाएका उम्मेदवार नै आम मतदाताको रोजाइमा पर्ने कुरामा दुईमत छैन ।

जनकपुरलाई नेतृत्व गर्न अग्रसर मेयरका सबै उम्मेदवारले समृद्ध जनकपुरको नारा अघि सारेका छन् । चुनावी मैदानम रहेका सबै उम्मेदवारको चुनावी एजेण्डा आकर्षक छ । तर, चुनावको बेला बनाएको आकर्षक घोषणापत्र या नाराकै भरमा आम नागरिकले मतदान गर्छन भनेर ढुक्क हुने कुनै आधार छैन । आम नागरिक र राजनीतिक दलका नेता कार्यकर्ताबीचको सम्बन्ध अपेक्षाकृत राम्रो छैन । राजनीतिक दलका नेता कार्यकर्ताले आम नागरिकसँग कुनै न कुनै रुपमा विश्वास गुमाइसका छन् । त्यसैले, आम नागरिकले नराम्राहरुबाट राम्रो नेतृत्व छान्न प्रयत्न गर्नेछन् ।