काठमाडौं २२ साउन । बङ्गलादेशकी प्रधानमन्त्री शेख हसिना भागेर भारतको गाजियावादस्थित हिंन्डन एअर बेसमा उत्रेको भारतीय मिडियाले जनाएका छन् ।

उनी सी१३०जे विमान मार्फत गाजियावाद उत्रेकी हुन् । उनलाई विशेष प्रथामिकताको साथ भारतीय सेनाले स्वागत गरेको एबीपीन्युजले जनाएको छ । भारतीय मिडियाका अनुसार शेख हसिनाले दिल्लीबाटै आफ्नो भाषण रेकर्ड गरेर प्रसारण गराउने तयारी गरेकी छन् ।
केही हप्तादेखि भइरहेको विद्यार्थीको विरोध प्रदर्शनका कारण ३ सय जनाभन्दा बढी मारिएपछि उनी राजीनामा घोषणा गर्दै भाग्न बाध्य भएकी हुन् । उनले देश छोडे लगत्तै बंगलादेशको सेनाले अन्तरिम सरकार बनाउने घोषणा गरेको छ । भारतीय मिडियाहरुले बंगलादेशमा चीन र भारतको भूराजनीतिक प्रतिद्धन्द्धितामा चीलने जितेको बताउन थालेका छन् ।
भारत सरकारले. भारत बंगलादेश सीमामा २४ घन्टे हाइ अलर्ट जारी गरेको छ । पश्चिम बंगलाकी मुख्यमन्त्री ममता बेनर्जीले पनि भड्काउपूर्ण कुनै पनि प्रतिक्रिया नजनाउन अपिल गरेकी छन् । पशिचम बंगला बंगलादेशसंग जोडिएको भारतीय राज्य हो ।बंगलादेश र भारतबीच ४०९६ किलोमीटर सीमा जोडिएको छ ।
हसिना भारतबाट लण्डन वा फिनल्याण्ड जाने भारतीय मिडियाले जनाएका छन् ।