काठमाडौं २० साष्न । अमेरिकी उपराष्ट्रपति तथा डेमोक्रेटिक पार्टीकी राष्ट्रपति उमेद्वार कमला ह्यारिसले आगामी महिना फक्स न्यूजमा हुने भनिएको पूर्व राष्ट्रपति डोनाल्ड ट्रम्पको प्रस्तावको बहसमा भाग लिन अस्वीकार गरेकी छन् । रिपब्लिकन उम्मेद्वार ट्रम्पले पहिले नै सहमति भएको एबीसी न्यूजमा हुने बहसलाई अस्वीकार गरेर रिपब्लिकनकै टेलिभिजन मानिने फक्स न्युजका लागि नयाँ प्रसताव गरेका थिए ।

शुक्रबार आफ्नो ट्रुथ सोसल प्लेटफर्ममा एक पोस्टमा ट्रम्पले सेप्टेम्बर ४ मा व्याटलग्राउन्ड स्टेट मानिने पेन्सिलभेनिया राज्यमा ह्यारिससँग बहस गर्ने फक्स न्युजको को प्रस्तावलाई स्वीकार गरेको जनाएका थिए ।

राष्ट्रपष्त बाइडेनले आफ्नो पुनः निर्वाचन अभियान स्थगित गरेर गत महिनाको अन्त्यमा ह्यारिसलाई अघि सार्नु अघि सेप्टेम्वर १० मा एबीसी न्यूजमा राष्ट्रपति जो बाइडेनसँग बहस गर्ने कार्यक्रम तय गरिएको थियो। बाइडेन उमेद्वारीबाट पदबाट हट्ने निर्णय र एबिसीका सञ्चालक जर्ज स्टेफानोपोलोस विरुद्धको उनको विचाराधीन मुद्दालाई उद्धृत गर्दै ट्रम्पले एबीसी बहस ‘समाप्त’ भएको बताएका थिए ।

शनिबार ह्यारिसको चुनावी अभियान कार्यालयले ट्रम्पलाई ‘डराएको र पहिले नै सहमत भएको बहसबाट पछि हट्ने प्रयास गरेको’ आरोप लगाएको छ।

‘उनले खेल खेल्न रोक्नु पर्छ र उनले पहिले नै प्रतिबद्धता जनाएको बहसका लागि तयार हुनु पर्दछ’, विज्ञप्तिमा भनिएको छ। ‘प्राइम–टाइम राष्ट्रिय श्रोताहरूसँग कुरा गर्ने अवसर लिन उपराष्ट्रपति कुनै न कुनै तरिकामा त्यहाँ हुनेछिन्।’

फक्स न्यूजलाई सामान्यतया ट्रम्पप्रति बढी सहानुभूतिशीलको रूपमा हेरिन्छ, जबकि एबीसीलाई ह्यारिसप्रति बढी सहानुभूतिशील मानिन्छ।

ट्रम्पले जून २७ मा जर्जियाको एटलान्टामा सिएनएनद्वारा आयोजित फेसअफमा बाइडेनसँग बहस गरेका थिए। बहसको क्रममा बाइडेन कमजोर देखिएका थिए । उनको कमजोर प्रदर्शनकै कारण डेमोक्र्याटिक पार्टीको उमेद्वारी त्याग्न बाध्य भएका हुन् ।

वरिष्ठ डेमोक्र्याटहरूले बाइडेनविरुद्ध ‘कू’ गरेको र पूर्व राष्ट्रपति बाराक ओबामाले राष्ट्रपतिलाई पदबाट हट्न बाध्य पार्न महत्वपूर्ण भूमिका खेलेको ट्रम्पको आरोप छ ।’तिनीहरू सबैले उनलाई फ्याँके, र उनीहरूले भने, ‘या त तपाईं राम्रो तरिकाले बाहिर जानुहोस् वा हामी तपाईंको पछि लाग्ने छौं’ र त्यही भयो। र, उनीसँग कुनै विकल्प थिएन। यसमा कुनै प्रश्न नै उठ्दैन’, उनले गत महिना न्युयोर्क पोस्टसँगको कुराकानीमा भनेका थिए ।

‘मैले जोसँग लड्न सयौँ करोड डलर, समय र प्रयास खर्च गरें, र जब मैले बहस जितें, उनीहरूले नयाँ उम्मेद्वारलाई रिंगमा फ्याके’, उनले घोषणा गरे। ‘जे होस्, फरक उम्मेदवार होस् वा नहोस्, तिनीहरूका खराब नीतिहरू एउटै हुन्, र यो सेप्टेम्बर ४को बहसमा दृढतापूर्वक प्रकट हुनेछ।’ ट्रम्पले आफ्नै कम्पनी ‘सोसल ट्रुथ’मा लेखेका छन् ।