सिरहा, १७ कार्तिक। सिरहा जिल्लाको अधिकांश नगरपालिका र गाउपालिकामा अबैध रुपमा औषधि पसल संचालनमा रहे तापनि सम्बन्धित निकाय मुखदर्शकको रुपमा रहेको छ । औषधि पसलको व्यापारबाट राम्रो आम्दानी हुने भएपछि औषधि पसल खोल्नेहरुको लहर नै सिरहामा चलेको छ ।

औषधि व्यवस्था विभागबाट नियमित अनुगमन नहुँदा त्यस्ता नयाँ औषधि पसल खुल्न थालेको हो । जिल्लाको विभिन्न स्थानमा दिनप्रतिदिन निजी क्लिनिक तथा औषधि पसल खोलिँदै आएपछि ग्रामीण क्षेत्रका बासिन्दा ठगिन थालेका छन् ।केहि औषधि पसलेले त् सरकारी औषधि समेत पैसा लि बिरामीहरु बाट बेच्दै आइरहेको छ तापनि अनुगमन टोलीले आफ्नो सक्रियता अहिले सम्म देखाउन सकेको छैन जसको कारण सिरहाको अधिकांश नपा र गपाका बिरामीहरु ठगिदै आइरहेको छ ।

जिल्लाका धेरैजसो क्षेत्रमा अनधिकृत रूपमा क्लिनिक तथा औषधि पसल खुल्लम खुल्ला सञ्चालन भइरहे पनि यसलाई रोक्न औषधि व्यवस्था विभाग, जिल्ला प्रशासन र क्षेत्रीय स्वास्थ्य निर्देशनालयले समेत बेवास्ता गरेपछि अवैध औषधि पसल खुल्ने क्रम बढेको छ ।

ग्रामीण क्षेत्रका उपभोक्ताले रोग बताएको भरमा पसलबाट औषधि लगेर जोखिम मोलिरहेका छन् भने कतिपय औषधि पसलले सामान्य अनुभवकै भरमा बिक्री गर्ने गरेका छन् ।

कतिपय औषधि व्यापारीले विभिन्न अस्पतालका चिकित्सकको नाम झुण्ड्याएर आफैले स्वास्थ्य जाँच गर्ने गर्दा पनि सम्बन्धित निकायले चासो नदिएको स्थानीयहरु बताउछ्न ।

नियमानुसार औषधि पसल राख्न कम्तीमा तीन वर्षे फार्मेसी तहको अध्ययन उतिर्ण गर्नुपर्ने भए पनि सामान्य अहेब गरेको ले लाखौ मुल्य बराबरको औषधिको व्यापार गरिरका छन् ।