काठमाडौं २६ भदौ । नेपाली कांग्रेस प्रभावशाली नेता डा। चन्द्र भण्डारीले समाज, संस्कृति र सम्बन्ध राजनीतिक आधारमा बिगार्ने अधिकार कसैलाई नभएको बताउनुभएको छ । बुधबार गुल्मीको सदरमुकाम तम्घासमा यहाँका विकास निर्माणको समिक्षा कार्यक्रमको उद्घाटन गर्नहुँदै उहाँले यस्तो बताउनुभएको हो ।

गुल्मी निर्वाचन क्षेत्र नम्बर(१ बाट निर्वाचित सङ्घीय सांसद तथा संविधान सभा सदस्य समेत रहनुभएका भण्डारीले नेपाली समाज धेरै पहिलेदेखि छुट्टै आफ्नै संस्कृति र संस्कार अनुसार सञ्चालन हुँदै आएकाले यसलाई राजनीतिक रुपमा बिगार्ने अधिकार कसैलाई नभएको बताउनुभयो ।

संविधान निमार्णको क्रममा समेत आफुलाई राजनैतिक रुपमा पहाड र तराईलाई छुट्टाउन आफ्नै पार्टीका नेताहरूबाट समेत ठुलो दबाब आएपनि यसलाई छुट्टाउन आफू तयार नभएको स्मरण गर्नुभयो । उहाँले आफू ग्यास दुर्घटनामा परी पुर्नजिवन पाएको भन्दै आफुलाई जनतालाई ढाट्ने, छल्ने र झुट बोल्ने छुट नभएको बताउनुभयो ।

आफू ग्यास दुर्घटनामा पर्दा कोहि, मन्दिर, कोहि, मस्जिद, कोहि चर्चमा गएर आफ्नो जीवन रक्षाका लागि प्राथना गरेको बताउँदै आफुले राजनीति इमानका लागि पनि जनताको आवाज बोल्ने उहाँले बताउनुभयो । पछिल्लो समय नेपालको अर्थतन्त्र अत्यन्त खराब अवस्थामा रहेको भन्दै जिल्लामा परेका योजनाहरुको बजेट फ्रिज जान दिन नहुने बताउनुभयो ।

त्यस अघि डा। भण्डारीलाई समन्वय प्रमुख द्रोण बहादुर खत्री, रेसुङ्गा नगरपालिकाका नगरप्रमुख खिलध्वज पन्थी लगायतका जनप्रतिनिधिहरुले समन्वय समितिको सभाहलमा स्वागत गर्नुभयो । दुई दिनसम्म सञ्चालन हुने समिक्षा कार्यक्रममा प्रमुख जिल्ला अधिकारीसहित जिल्लाका १२ वटै स्थानीयतहका प्रमुख रअध्यक्ष, उपप्रमुखरउपाध्यक्ष, प्रमुख प्रशासकीय अधिकृतहरु लगायतको सहभागिता रहनेछ ।