रुपन्देहीको शंकरपुर नाकामा गोली चल्यो, एक घाइते, एक पक्राउ

2019-05-16 20:00


बुटवल , २ जेठ । रुपन्देहीको शंकरपुर नाकामा आज साझ गोली चलेको छ।

भारतबाट हतियार लिएर नेपाल प्रवेश गरेका एक व्यक्तिलाई पक्राउ गर्ने क्रममा आक्रमण भएपछि प्रहरीले गोली चलाएको हो। सादा पोशाकका प्रहरीमाथि आक्रमण भएपछि आत्मरक्षाका लागि गोली चलाउनुपरेको रुपन्देहीका प्रहरी प्रवक्ता डीएसपी धर्मराज भण्डारीले जानकारी दिनुभयो। साझ ५ बजेतिर घटना भएको भण्डारीले बताउनु भयो । प्रहरीका अनुसार गोली लागेर घाइते भएका व्यक्तिलाई भारतीय पक्षले नै उठाएर लगेका छन्।

‘प्रहरीले पक्राउ गर्न खोज्दा गुहार मागेपछि भारतीयहरु नेपाली सीमाक्षेत्रमा प्रवेश गरेर प्रहरीलाई आक्रमण गरेका थिए’, डीएसपी भण्डारीले भन्नुभयो ‘प्रहरीले आत्मरक्षाका लागि गोली चलाएको हो।’ प्रहरीको गोली लागेर घाइते भएका व्यक्ति भारतीय नागरिक हुन्। स्रोतका अनुसार पक्राउ भारत महाराजगंज जिल्ला फरेन्दाका झिनक धोबी हुन्।

स्रोतका अनुसार घाइते पक्राउ परेका धोबीका भतिज दिलिप हुन्। प्रहरीले धोबीको साथबाट एउटा अटोमेटिक पेस्तोल बरामद गरेको छ। आक्रमणमा ३ जना प्रहरी धाइते भएको छन् ।

    Comment Here!


सम्बन्धित समाचार

View All