नेपाल मेडिसिटी मुलुकको पहिलो एनएबीएच मान्यता प्राप्त हस्पिटल

2019-03-27 16:01


काठमाडौं,१३ चैत । ललितपुरको भैंसेपाटीस्थित नेपाल मेडिसिटी हस्पिटलले अत्याधुनिक गुणस्तरीय स्वास्थ्य सेवा प्रदान गर्ने नेपालको पहिलो र एक मात्र अस्पतालको रुपमा भारतको राष्ट्रिय मान्यता प्राप्त बोर्ड नेशनल अक्रेडिएसन बोर्ड फर हस्पिटल एण्ड हेल्थ केयर प्रोभाइडर (एनएबीएच) मान्यता प्राप्त गरेको छ ।

राष्ट्रिय गौरवको रुपमा मुलुकमा नयाँ बेन्चमार्क कायम राख्न सफल भएको भन्दै हस्पिटलले खुशी व्यक्त गरेको छ । अस्पताल र स्वास्थ्यसेवा प्रदायकको लागि भारतको राष्ट्रिय मान्यता प्राप्त बोर्ड एनएबीएच (नेशनल अक्रेडिएसन बोर्ड फर हस्पिटल एण्ड हेल्थकेयर प्रोभाइडर), गुणस्तर परिषद्को बोर्ड हो जसको उद्धेश्य स्वास्थ्य सेवा प्रदायक संस्थाहरुलाई मान्यता प्रदान गरी सोही अनुसार व्यवस्थित गर्ने रहेको छ ।

भारतको राष्ट्रिय मान्यता प्राप्त बोर्ड नेशनल अक्रेडिएसन बोर्ड फर हस्पिटल एण्ड हेल्थ केयर प्रोभाइडर (एनएबीएच) का प्रमुख कार्यकारी अधिकृत (सिइओ) डा.हरिश नडकर्मीले राजधानीको सोल्टी क्राउन प्लाजामा आज आयोजित एक कार्यक्रममा हस्पिटललाई एचएबीएचको प्रमाणपत्र प्रदान गर्दै हुनुहुन्छ । प्रधानमन्त्री केपी शर्मा वलीको प्रमुख आतिथ्य एवं मुख्य अतिथि उप—प्रधान एवं स्वास्थ्य मन्त्री उपेन्द्र यादवलगायतका विशिष्ट व्यक्तिहरुको समुपस्थितिमा सो प्रमाणपत्र ग्रहण गर्न लागिएको अस्पतालका महाप्रबन्धक बिजय रिमालले जानकारी दिनुभयो ।

    Comment Here!


सम्बन्धित समाचार

View All