रंगशाला निर्माणको लागी ४७ करोड बजेट : नगर प्रमुख शर्मा

2019-03-04 14:26


रुकुम,२० फागुन । रुकुम पश्चिमको चौरजहारी नगरपालिकामा रंगशाला निर्माणको लागी ४७ करोड बजेट विनियोजन भएको नगर प्रमुख विशाल शर्माणले बताउनु भएको छ ।

आईतवार देखि चौरजहारीमा सुरुभएको दोस्रो मियर कप विविध खेलकुद प्रतियोगिता २०७५ को उदघाटन समारोहमा बोल्दै शर्माले यस्तो बताउनुभएको हो ।

कर्णाली प्रदेशको सुन्दर नगरी चौरजहारीमा रंगशाला निर्माणको लागी संघिय सरकार वाट रु ४५ करोड र प्रदेश सरकार वाट रु २ करोड गरी कुल ४७ करोड रकम विनियोजन भएको जानकारी दिनुभयो ।

व्यवस्थित रंगशाला निर्माणको लागी म्यापिगं र डिजाईनिगंको काम भैरहेको बताउदै शर्माले आर्थिक वर्ष २०७६- ०७७ मा टेण्डर आह्वान गरी रंगशाला निर्माणको कामलाई तिव्रता दिईने प्रतिवद्धता व्यक्त गर्नुभयो ।

खेलक्षेत्रले खेलाडीहरुमा विकास,अनुशासन र गतिशिलाका साथै राष्ट्रको नाम विश्वसामु चिनाउन महत्वपुर्ण भुमिका खेलेको स्मरण गर्दै स्थानिय सरकारले त्यसकोलागी करिव १० लाख बराबरको रकम लगानी गरी खेलकुद प्रतियोगीता आयोजना गरेको बताउनुभयो ।

उदघाटन समारोह कार्यक्रमका अध्यक्ष शर्माले १४ वटा वडा रहेको चौरजहारी नगरपालिकाको १४ वटै वडामा यथासिघ्र भुगोलको छनौट गरी खेलकुद मैदान निर्माण गर्ने नगरपालिकाले योजना बनाएको समेत जानकारी दिनुभयो ।

    Comment Here!


सम्बन्धित समाचार

View All