बोष्टर म्युजिक अवार्ड –२०७५ लाइफ टाइम एचिभमेन्ट सुरेन्द्र महर्जनलाई

2019-03-02 13:36


 

काठमाडौं,१८ फगुन । नेपाली गीत, संगीत, नेपाली भाषा साहित्य र कला एवं कलाको विकासकोलागि राजधानीमा एक समारोह बीच बोष्टर म्युजिक अवार्ड ( २०७५ को आयोजना गरिएको छ ।

बोष्टर म्युजिक अवार्डका अध्यक्ष मुकुन्द ढुंगानाको सभापतित्वमा भएको कार्यक्रममा प्रमुख अतिथि पूर्व अर्थमन्त्री एवं वरिष्ठ गीतकार एसपी कोइरालाले गीत संगीत एवं साहित्यको विकासमा बोष्टर म्युजिकलाई सफलताको कामना गर्नु भयो ।

This image has an empty alt attribute; its file name is 52908618_663696667379637_1144375962796818432_n-1.jpg

लामो समयदेखि नेपाली भाषा, साहित्य र चित्रकारीतामा विगत तीन दशकदेखि लाग्नु भएका कवि, गीतकार एवं साहित्यकार सुरेन्द्र महर्जन अमर लाई एक समारोहबीच कार्यक्रममा बोष्टर म्युजिक लाइफ टाइम एचिभमेन्ट अवार्ड(२०७५ बाट सम्मान गर्नुभयो ।

नेपाली साहित्यका एक चम्किलो तारा जो कवि भएर पनि गीतकार, गीतकार भएर पनि चित्रकार हरेक विधामा उतिकै सक्रिय कलाकारिता, सामाजिक योगदान, साहित्य लेखन एवं कला साहित्य र संगीतको माध्यमबाट मुलुकको साँस्कृतिक क्षेत्रमा उहाँले गरेको अमूल्य योगदानको कदर गर्दै कवि, गीतकार, गायक, एवं साहित्यकार सुरेन्द्र महर्जनलाई सम्मानित गरेकोमा आयोजक र साहित्यकार सुरेन्द्र महर्जन अमरलाई प्रमुख अथितिले सफलताको कामना व्यक्त गर्नुभयो । अमरका कविता संग्रह, उपन्यास, गीति कविता, हाइकु, नाटक, गीति एल्बम आदि दुई दर्जन कृति प्रकाशित छन् ।

कार्यक्रममा ४१ विद्यामा उत्कृष्ट हुनुभएका उत्कृष्ट राष्ट्रिय गीतबाट संगीतकार सन्तोष श्रेष्ठ, उकृष्ट मोडेल सनम कथयाल, आधुनिक मोडल अमन श्रेष्ठ, लगायत
सबैलाई अवार्ड र प्रमाणपत्रबाट सम्मानित गरिएको थियो ।

कार्यक्रमको सुरुमा पानसमा दीप बालिएको थियो भने ताप्लेजुङको पाथीभरा नजिकै सिस्ने भीरमा हेलिकप्टर दुर्घटनामा परी असामयिक निधन भएका सम्पूर्ण मृतकप्रतिको सम्झनाम एक मिनेट मौन धारण गरिएको थियो । कार्यक्रमका संयोजक, निर्णायक समितिमा माधव निर्दोष रहेको उक्त कार्यक्रममा गीतकार एवं कवयत्री राधिका घिमिरेबाट कार्यक्रम संचालन गरिएको थियो ।



    Comment Here!


सम्बन्धित समाचार

View All