प्रधानमन्त्री केपी शर्मा ओलीलाई एक जना असईले बचाए ( एस्क्लुसिभ अन्तर्वार्ता)

2019-02-16 09:14


काठमाडौं , ४ फागुन । लामो समय जेलनेल भोगेका प्रधानमन्त्री केपी शर्मा ओलीको राजनीतिक यात्रा झापाबाटै शुरु भएको हो । झण्डै पाँच दशकको राजनीतिक यात्रामा १४ बर्ष कठोर जेल जीवन विताएका प्रधानमन्त्री केपी शर्मा ओली मुलुकको प्रधानमन्त्री हुनुहुन्छ ।

पञ्चायती व्यवस्थाविरुद्धको संंघर्षका क्रममा ओली २०२८ देखि २०४४ सम्म १४ वर्ष जेल जीवन यापन गरेका पात्र यतिवेला देशको प्रधानमन्त्री बन्नुभएको छ । प्रधानमन्त्री ओलीको जेलजीवनका भोगाई निकै कष्टकर भएको र आफ्ना सहकर्मीहरुले अनाहकमै ज्यान गुमाउन पुगेको पीडा निकै भावुक ढंगले सम्झनु भयो । तत्कालिन राज्यले झुटा मुद्धा लगाएर लामो समय सम्म जेलमा राखेको कुरा प्रधानमन्त्री ओलीले एवीसी न्यूजका लागि अध्यक्ष तथा प्रधानसम्पादक शुभशंकर कंडेलसंगको विषेश कार्यक्रम आउटलुकमा बताउनुभएको हो । तत्कालिन राज्यले झुटा आरोप लगाएर नागरिक माथि दमन गरेको समेत प्रधानमन्त्री ओलीले बताउनुभयो ।

प्रधानमन्त्री ओलीलाई १४ वर्षको जेल वसाईमा २५ पटक ठाउ सम्म सारिएको थियो । उहालाई एक लाई एकपटक गौर बाट अड्डा सार्ने क्रममा आएको चिठीलाई यसरी सम्झनु हुन्छ । म गौर जेलमा रहदा अड्डा सार गरि माथि पठाउने भन्ने आदेशलाई तत्कालिन जेल सुरक्षामा खटिएका असईले गाडीमा राखेर विरगंज लैजानुभयो । उहाले भन्नु भयो – तपाईहरु जस्तालाई मारेर मैले के गर्नु छ र गए मेरो जागिर जाने हो म घरमा गएर कृषक बनेर बाँच्न सक्छु भन्दै उहाले विरगंज लगेर सार्वजनिक गर्नु भयो । यदि प्रहरीले विरगंज नलगेर माथिकै आदेशलाई घुमाउरो तरिकाले मानेको भए । आज स्वाधिन मुलुकको प्रधानमन्त्री बन्ने थिएन होला प्रधानमन्त्री ओलीले भन्नुभयो।

प्रधानमन्त्री ओली पहिलो पटक २०४८ सालमा झापा क्षेत्र नम्बर ६ र २०५९ सालमा झापा क्षेत्र नम्बर २ बाट प्रतिनिधिसभा सदस्यमा ओली निर्वाचित भएका हुनुभएको थियो । त्यस्तै वि.सं. २०५१ देखि २०५२ सम्म उनी गृहमन्त्री बन्नुभएको थियो । ०६४ देखि ०६५ सम्म ओली उपप्रधान एवम् परराष्ट्रमन्त्री को कार्यभार समाल्दै २०७२ असोज २४ गते नेपालको ३८ औं प्रधानमन्त्रीको रूपमा पहिलोपटक केपी ओली प्रधानमन्त्री बन्नुभएको थियो । यतिवेला उहाँ दोस्रो पटक बहुमतको शक्तिशाली प्रधानमन्त्री बन्नु भएको छ ।

तत्कालीन नेकपा (माले)को संस्थापक मध्येका एक केपी शर्मा ओली २०२२ सालमा कम्युनिष्ट राजनीतिमा लाग्नुभएको थियो । २०२६ सालमा नेपाल कम्युनिष्ट पार्टीको सदस्यता लिनुभएका ओली २०२८ सालको झापा आन्दोलनका प्रमुखहरु मध्येका एक हुनुहुन्छ ।

प्रधानमन्त्री ओलीसंगको विशेष अन्तर्वार्ता आज राती ९ बजे एबीसीमा प्रसारण हुनेछ ।

    Comment Here!


सम्बन्धित समाचार

View All