पीपीएलको उपाधिका लागि चितवन राईनोज र पोखरा पल्टनबीच प्रतिस्पर्धा हुँदै

2018-11-06 11:05

काठमाडौं,२० कात्तिक । पोखरा प्रिमियर लिग पीपीएल क्रिकेटको उपाधिका लागि आज चितवन राईनोज र पोखरा पल्टनबीच प्रतिस्पर्धा हुँदैछ । पोखरा रङ्गशालामा विहान ११ बजे सुरु हुने खेलमा पारस खड्का नेतृत्वको चितवन र शरद भेषावकर नेतृत्वको पोखराबीच प्रतिस्पर्धा हुन लागेको हो ।

लिग चरणका सुरुवाती दुवै खेल गुमाएपनि त्यसपछिका खेलमा लगातार जितसहित उपाधि नजिक पुगेको चितवनले एलिमिनेटरमा काठमाडौं रोयल्सलाई हराएको थियो । लिग चरणमा शीर्ष स्थानमा रह“दै पोखरा पल्टनले सिधै फाइनलमा स्थान बनाएको हो ।

फ्रेन्चाईज क्रिकेटको चार वर्षे यात्रामा शरद नेतृत्वको टोली सबै ५ प्रतियोगिताको फाईनलमा पुगेको छ । त्यसमध्ये दुईमा उपाधि जितेको छ । हारेको दुई प्रतियोगिता पारस नेतृत्वको टोलीसंगै छ ।

प्रतियोगितामा चितवनका करण केसीले ११ र सन्नी पटेलले ९ विकेट लिएका छन् । उनीहरु सर्वाधिक विकेट लिने शीर्ष ३ खेलाडी मध्ये दुई बलर हुन् ।

पीपीएलको बिजेताले २७ लाख र उपविजेता टोलीले १० लाख रुपैयाँ प्राप्त गर्ने छन् । प्रतियोगिताको तीन विधागत उत्कृष्ट खेलाडीले सुजुकी जिक्सर मोटरसाइकल प्राप्त गर्ने छन् ।

    Comment Here!


सम्बन्धित समाचार

View All