‘नागरिक घोषणापत्र विचारको बहस’मा प्रचण्ड प्रमुख अतिथि

प्रचण्ड भोलि दिल्ली जाने

2018-10-25 09:48


काठमाडौं ८ कात्तिक । नेपाल कम्युनिस्ट पार्टीका अध्यक्ष तथा पूर्व प्रधानमन्त्री पुष्पकमल दाहाल प्रचण्ड इन्डिया फाउन्डेसनको पांचौ कन्केलेभको प्रमुख अतिथिका रुपमा भोलि भारतको राजधानी दिल्ली जाने भएका छन् । फाउन्डेशनको पांचौ कन्कलेलेभको थिम नागरिक घोषणापत्र र विचारको बहस रहेको छ ।
अध्यक्ष प्रचण्डले त्यस कार्यक्रममा प्रमुख वक्ताकारुपमा सम्वोधन गर्नेछन् । प्रचण्डले गर्ने सम्वोधनको पूर्ण पाठ परराष्ट्र मन्त्रालयले तयार गरेर पठाइसकेको दिल्ली स्थित नेपाली दूतावासले जनाएको छ ।
प्रचण्ड शुक्रबार विहान ९ बजे दिल्ली प्रस्थान गर्नेछन् भने शुक्रबारै बेलुकी ८ वजे फर्कने कार्यक्रम रहेको नेकपाको सचिवालयलय जनाएको छ । पार्टीको सचिवालय बैठक जारी रहेकाले नजाने कि भन्ने सोचे पनि प्रधानमन्त्री केपी शर्मा ओली र अध्यक्ष प्रचण्डबीच छलफल भएपछि कार्यक्रममा जाने निश्चित भएको प्रचण्डको सचिवालयले जनाएको छ ।

भारतीय जनता पार्टीका महासचिव राम माधवले नेतृत्व गरेको इन्डिया फाउन्डेशनले यस अघि जुलाई ३१मा काठमाडौंमा पनि एउटा सेमिानार गरेको थियो । त्यो कार्यक्रममा पनि प्रचण्ड प्रमुख अतिथि रहेका थिए ।
२६ अक्टोबर देखि २८ अक्टोबरसम्म दिल्लीमा चल्ने कन्केलेभमा विभिन्न २५ देशका ४०० भन्दा राजनीतिज्ञ, कूटनीतिज्ञ र बुद्धिजीवहरुको सहभागीता रहने आयोजक संस्थाले सार्वजनिक गरेको छ ।

    Comment Here!


सम्बन्धित समाचार

View All