अहिले भारतसंगको सम्वन्ध मित्रताको उच्च विन्दुमा : प्रदीप ज्ञावली

2018-08-11 09:04


काठमाडौं २६ साउन । परराष्ट्रमन्त्री प्रदीप ज्ञावलीले अहिले नेपाल भारतबीच मित्रताको सम्वन्ध उच्च विन्दुमा रहेको दाबी गरेका छन्। एबीसी न्युजको कार्यक्रम आउटलुकमा शुभशंकर कंडेलसंग कुरा गर्दै मन्त्री ज्ञावलीले भने अब भारतसंग कुनै समस्या छैन ।
प्रधानमन्त्री केपी शर्मा ओलीको चीन भ्रमणका बेलामा जुलाई महिनाभित्र गर्ने भनिएको ट्रास्पोर्ट एण्डट्रान्जित ट्रिटीको प्रोटोकलमा हस्ताक्षर हुन प्राविधक अध्ययनका कारणले ढिलाई भएको मन्त्री ज्ञावलीले स्पष्टीकरण दिए । त्यो प्रोटोकलमा हस्ताक्षर हुने अझै डेढ महिना लाग्न सक्ने उनको बुझाई छ ।
नेपालले विदेश नीतिका ४ वटा आयाम तय गरेको बताउंदै ज्ञावलीले भने छिमेक, विकास साझेदार मुलुकहरु, श्रम गन्तव्यका देशहरु र संयुक्त राष्ट्रसंघ सम्वन्धित देश र सस्थाहरुको सम्वन्ध मजबुत बनाउने हाम्रो प्राथामिकता हो । ज्ञावलीका अनुसार अब नेपालले आक्रमक विदेश नीति अवलम्वन गर्दछ ।
सरकारको काम कारबाहीका बारेमा असन्तोष बढेको बारेमा मन्त्री ज्ञावलीले भने एक वर्ष पूरा हुंदा कसैले पनि विरोध गर्न नपर्ने अवस्था सिर्जना गर्ने दावी गरे ।
अहिले कतिपय मानिसले रेलको कुरा पानी जहाजको कुराप्रति बढ्तै आक्रोश पोखेका छन् । त्यसको उद्धेश्य नेपालको परनिर्भरता हट्ने अभियानबाट उनीहरु आत्तिएका छन् । नेपालमा अहिले पनि भारत र चीनबाट ट्रक त आइरहेकै छन् । तिनमा के भरेर पठाइएको छ र रेलमा के हाल्ने भन्ने प्रश्न गर्ने भन्दै मन्त्री ज्ञावलीले नेपाल सरकारको दुवै देशसंगको रेल कनेक्टिभीटी उच्च प्राथामिकतामा रहेको स्पष्ट गरे ।
मन्त्री ज्ञावलीसंगको अन्तर्वार्ता आज राती ९ बजे एबीसी न्यूजमा प्रसारण छ । यसको पुन प्रसारण आइतबार विहान ८ बजे र दिउंसो २ बजे हुनेछ । यो अन्तर्वार्ता फेसबुकको Facebook.com/abc television nepal र युट्युवको Youtube.com/abcnews nepal पनि उपलव्ध हुनेछ ।

    Comment Here!


सम्बन्धित समाचार

View All