नेपाली सञ्चारकर्मी र छेन्दु टिभी तथा रेडियोकर्मीबीच अन्तरक्रिया

2018-07-10 19:17


छेन्दु, २६ असार । नेपालका विभिन्न संचारमाध्यममा कार्यरत रहेका संचारकर्मीहरूले चीनको छेन्दुमा रहेको सिचुवान रेडियो टेलिभिजनको भ्रमण गरेका छन् ।


नेपाली मिडिया वर्कसपमा भाग लिन पाँचदिनदेखि छेन्दुमा रहेका संचारकर्मीहरूले सिचुवान रेडियो टेलिभिजनको स्टेशनको भ्रमण गरेका हुन् ।

नेपाली संचारकर्मीहरूलाई पार्टी सदस्य एवं सिचुवान रेडियो टेलिभिजनका चिफ इन्जिनियर लिउ याओहुईले स्वागत गर्नुभएको थियो । त्यसक्रममा उहाँले नेपालमा दुई वर्षअघिको विनाशकारी भूकम्पकाबेला सिचुवान रेडियो टेलिभिजनले चिनिया उद्दार टोलीसँग मिलेर रिपोर्टिङ गरेको स्मरण गर्नुभयो । चिफ इन्जिनियर लिउले चीनका विभिन्न स्थानमा हुनेगरेका प्राकृतिक विनाशका घटनामा तत्काल गरिने रिपोर्टिङका बारेमा जानकारी गराउनुभएको थियो ।

सिचुवान रेडियो टेलिभिजन दक्षिण-पश्चीम चीनमा अति लोकप्रिय रहेको छ।

नेपाली संचारकर्मीहरूले नेपाल र चीनका संचारकर्मीहरू मिलेर नेपाल चीन सम्बन्धलाई थप मजवुद बनाउन  उत्प्रेरकको भूमिका खेल्नुपर्ने बताएका थिए ।

सिचुवान रेडियो टेलिभिजनले तिब्बती समुदायलाई लक्षित गरी खोलेको कान्वा (kangba) सेटलाइट टेलिभिजनबारे समेत जानकारी गराइएको थियो । कान्वा टेलिभिजन नेपालमा समेत हेर्न मिल्छ । त्यसक्रममा नेपाली संचारकर्मीलाई मिडिया कन्भर्जेन्सको बारेमा पनि जानकारी गराइएको थियो ।

    Comment Here!


सम्बन्धित समाचार

View All