कतारमा एक नेपालीलाई मृत्युदण्ड, गोली हान्न अदालतको आदेश

2018-06-04 18:54

काठमाडौं। कतारमा एक नेपालीलाई मृत्युदण्डको सजाय सुनाइएको छ ।

कतारी नागरिक उमैर मोहोम्मद उमैर अल रमाजानी अल–नुयमीको हत्या अभियोगमा नेपाली नागरिक अनिल चौधरीलाई गोली हानेर मृत्युदण्ड दिन अदालतले आदेश दिएको हो ।

कतारको तल्लो अदालतले गरेको फैसलामाथि नेपाली दूतावासले भने चौधरीको जीवनरक्षाको लागि सर्वोच्च अदालतमा पुनरावेदन गरेको छ।

अनिल चौधरी औराही–१, मोहत्तरीका हुन् । चौधरी २०१५ अगष्ट २७ गते कतार गएका थिए। उनी कार वास कम्पनीमा सामान्य मजदुरको हैसियतमा काम गर्थे। उनलाई केन्द्रीय कारगारमा राखिएको छ।

उनी कतारी नागरिक अल नुएमीको हत्या अभियोगमा सन् २०१७ अप्रिलको पहिलो साता पक्राउ परेका थिए।

सर्वोच्चमा बहस गर्नका लागि लाग्ने वकिल खर्च झन्डै ३० हजार रियाल अर्थात् नेपाली ६ लाख रुपैयाँ राजदूतावासले सरकारसँग माग गरेपछि, परराष्ट्र मन्त्रालयले श्रम मन्त्रालय हुँदै वैदेशिक रोजगार प्रर्वद्धन बोर्डलाई पैसा उपलब्ध गराउन अनुरोध गरेको छ। बोर्डले बजेट उपलब्ध गराउने सम्बन्धमा छलफल भइरहेको जनाएको छ।

    Comment Here!


सम्बन्धित समाचार

View All