मर्यादाक्रम सच्याउन केन्द्रिय सरकारसंग माग

2018-04-10 17:21

काठमाडौं, २७ चैत । कर्णाली प्रदेशका प्रदेशसभा सदस्यले हालै सार्वजनिक गरिएको मर्यादाक्रम वैज्ञानिक नभएको भन्दै त्यसलाई तत्काल सच्याउन केन्द्रिय सरकारसंग माग गरेका छन् ।

प्रदेशसभाको आज बसेको बैठकमा विशेष समय लिएर बोल्दै सदस्य गुलाबजंग शाहले हालै सार्वजनिक भएको मर्यादाक्रमले प्रदेश सांसदलाई कर्मचारी भन्दा तल राखिएकोमा आपति जनाउनुभयो ।

उहाँले त्यसलाई तत्काल सच्याएर नयाँ मर्यादाक्रम सार्वजनिक गर्न प्रदेश सरकारमार्फत संघीय सरकारलाई आग्रह गर्नुभयो ।

त्यस्तै कृष्णा शाहले जाजरकोटमा चिकित्सक र औषधिको तत्काल व्यवस्था गर्न प्रदेश सरकारको ध्यानाकर्षण गराउँदै राज्यले ७० प्रकारका औषधि निःशुल्क दिने व्यवस्था गरे पनि जाजरकोटमा सिटामोलसमेत पाउन नसकेको बताउनुभयो ।

उहाँले प्रदेश सरकारसंग जाजरकोटका नागरिकले सहजरुपमा औषधि पाउने व्यवस्था मिलाउन माग गर्नुभयो ।

    Comment Here!


सम्बन्धित समाचार

View All